Salam 'alaikom warahmatullah
jaroe dua blah Lon bet seulingka
beumangat tuto ka nibak babah
haba dari Allah Lon jok keu gata
Wahe Potallah kamoe that meusyen
lage sin ngon syen meupadu kata
ban mandum rakan jinoe lam kawen
kamoe lam rihon beumeunan juga
miseu Lon turi ka dalam adat
bit sit beu meuhat meu adoe a
miseu Lon kaji ban bacut sapat
beu keuh meusapat seunalen ija
Nyoe Lon peunan hikayat sambinoe
Lontuan meureunoie peu antok haba
jeut cit hai, gata peunan hikayat samlakoe
jak teuk, tameureunoe sikrek-krek dua
Cicem tulo tet dipho meukawan
dipiyoh sajan digantoe maba
teukeujot nyawong dalam badan
siploh go riwang bek tatuka cara
Doda idi seunayon nyak dara
rateb ulon ba meujangeun kisa
sipadan mandum ajaran agama
meunyoe bak adat, nyan keuh meuh beu na..
Simayam dua taba keu tanda
lheuh nyan teuma peugot keurija
simayam dua Lon rayu gata
talake leubeh siap that Lon ba
Seulayang tunang ka di Meulaboh
ureung top daboh ka di Keumala
nyoe gata seunang dumpu Ulon boh
asai beu tatem jak dumho Lon maba
Wahe rakan, rakan sinaroe
bek sampe tuwo Lon peu ingat gata
di Ulon pih karhap meupaloe
lage lam lumpoe meupuseng gisa
Haba peuneutop hikayat sambinoe
Lon bri keu gata nariet pusaka
bek le udah uduh mulai jinoe
jak tameukawen laju beu sigra
Tatot naleung tutong rangkileh
haba kabeh puasa rhap jeut buka (baro poh dua hai.. wkwkwk..)
haba Ulon nyoe ngon hate puteh
bek sampe meucureh lam hate gata...
Krrrrruuuuu.........
Jendela Sastra
Komentar
Tulis komentar baru