Budaya pantun merupakan sebuah seni kebudayaan melayu dari zaman dahulu untuk mengungkapkan suasana hati, perasaan, dan menyampaikan suatu berita. Pantun yang berupa syair berakhiran A-B-A-B, ini sudah berkembang cukup lama sekali. Bahkan hingga kini, ber pantun merupakan suatu karya seni yang masih mendapat tempat dihati masyarakat Kerinci untuk menenangkan hati audiensi.
Di Kerinci, muda-mudi berpantun telah dimulai pada masa dahulu, apalagi untung menyanjung dan memuji pasangan, orang besar, dan lain sebagainya. Diantaranya adalah beberapa contoh berikut ini :
1. PANTUN MUDA MUDI
Umah buhuk atapnyo titik
Tibo di tanggo lah lapuk pulo
Kalu bulih kami butuik
Adik ngan manih sapo namonyo
Simpanlah padi kudalam bilik
Kawo tasimpan kubawah puma
Kalu kayo nak tau namonyo adik
Adik bunamo Siti Rohana
Ambik sitangkai sibuah kawo
Kawo ditanam didalam ladang
Adik umpamo si bungo cino
Baunnyo iluk sdap dipandang
Iluklah paneh kito munyemo
Breh ditumbuk bahu disimpen
Kalulah bulih uwo butanyo
Adik ngan manih sapo ngan tuwen
Jilami talitak alem tngah umo
Diambik anak uhang madura
Kami cinto sibadan iko
Cinok cinto Adam ngan Siti Hawa
Tebanglah tebu dipagi ahi
Untuk jadi pulalu kawo
Rindu nian rasonyo hati
Kubadan adik ngan jauh dimato
Piyo butitie siayie mato
Tabanayng kisah maso ngan silam
Kalu dak jadi kito buduo
Bumi hancu dunia karam
Minun ayie sicuhek gedang
Bucampu dingan tlu ayam itam
Idak kutinam baduso gedang
Adik kupeluk siang ngan malam
Ptang ahi pgi kurimbo
Tibo dirimbo kito murancah
Karam di laut bulih ditimbo
Karam dihati bilo kasudah
Payah nian munginang itik
Dijago sameh nyo makan padi
Kami payah mao adik usik
Uhang lain jugo ngan mao jadi
Iluk nian si bungo tali
Diambik anak uhang cino
Kami tilansung iko dak jadi
Kumano malu badan ku bao
Tngah malam hujan murintik
Hujan murintik ditengah imbo
Kasela nian kubadan adik
Apolah dayo jauh dimato
Tanamlah tebu di sungai lintang
Untuk dijadi pamena gulo
Bia buribu bujang ngan latang
Kansu suhang ngan adik cinto
Apolah sebab uhang burami
Uhang mungimak sianak daro
Apolah dayo sibadan kami
Badan musekin mularat pulo
Cubolah adik munanam lian
Jangan sampai dimakan kancin
Tahino raso nyo badan
Adik buralih ku uhang lain
2. PANTUN NASEHAT
Jangan ditukak sibatang pinang
Same uhang tiganggu tidu
Jangan dibenci sianak lumang
Idak ado tempatnyo ngadu
Jangan ditukak batang cimedak
Same lekat getah kukain
Ayah idak induk pun idak
Jangan sampai jadi pumalin
Panjatlah anak sibatang aro
Buahnyo masak diahi petang
Bia harto kito dak punyo
Budi bahsao ngan dikenang uhang
Pgi kubalai mumbeli buah
Buah sipilo diambik kanti
Jangan Plit untuk basedekah
Karno harto idak dibao mati
Rami pasa uhang sungai pnuh
Rami dianak uhang semumu
Bulajalah anak sungguh-sungguh
Karno idut kito butuh ilmu
Anak kucek ditengah umo
Diambik uhang dusun tinggi
Awak jaek pumen idak pulo
Tapi cita-cita harusnyo tinggi
3. PANTUN RATAPAN
Pgi murantau ka Maro Palam
Tibo disitu ahilah senjo
Ibo hati siang ngan malam
Tinam dibadan lah bujang tuo
Pisang imbo jangan diambik
Sameh timakan mabuklah diri
Apo kuharap kubadan adik
Sdang kucinto adik lah mati
Makan pisang dipagi ahi
Minunlah ayie siayie kawo
Sdang kusayang adik lah pgi
Uhang lain jugo ngan bulabo
Kami bujemu dipaneh ptang
Ngimak nak mudo-mudo nerbang ka lang-lang
Kumano badan aku munumpang
Suhanglah idak ado ngan sayang
Umah jaek pulasa jaek
Tibo di tanggo batang sipilo
Awak jaek indukpun jaek
Tibo di badan murando pulo
Apo sebab manggang kumenyan
Supayo paneh mulai jak pagi
Kami musekin dihino nian
Uhang ngan kayo jugo disanjung puji
4. PANTUN JENAKA
Makan ubi didalam pelak
Ubi di tanam nak tuo gaek
Piyo nyantanku tigelak-gelak
Ngimak tino ku maen cauncek
Jangan diselimut uhang ngan tidu
Samehnyo mangkit sakit gigi
Tikentut amak ku kak lapu
Gara-gara makan kulak pnggi
Iluk gadih anak Sulak Kcik
Sungguh iluk pumilih pulo
Ado klembung kak idung adik
Kadang angko sibeleh iyo ugo
Anak kambek ningkek-ningkek
Anak kbau nambung-nambung
Sapo ngato aku jaek
Itu tando gedang idung
Ambut itam batuguk putih
Baju dipakai teluk balango
Sungut lah teban ambutlah putih
Ngato ka lihi agi mudo
Apo sebab lampu ni mati
Anak Pam pgi masang lukah
Kian tuo nyantan kian kanji
Cucung kamalun dak jadi nikah
Komentar
Tulis komentar baru